卡加部落格新館「澳門」 » アクセサリー

Jabra BT2050

カガヤキ — Wed, 11 Nov 2009 10:21:42 +0000

早前,去香港旅行時,又買咗藍芽耳機.今次係jabra的BT2050.
澳門賣緊230MOP,香港平啲,180HKD搞掂.
藍芽耳機,我至今買過的有i.tech clip r35及i.tech clip radio.兩款都係雙耳的,我想再輕便啲,所以買咗個單耳的.
我係香港旅行期間即時就係酒店叉電用啦,不過只用咗一日就冇灑電啦,起初真係令我好失望.
不過返到澳門之後,重新再叉電,電池方面又沒問題啦,叉一次就可以差唔多用到成1個星期.點解會咁架呢,可能係香港期間係漫遊所以用電快掛,又或者初次叉電係用得少都唔定.不過總言之買咗呢個藍芽耳機又真係幾好用架.

Write a quick comment

Yamaha Cool Mesh

カガヤキ — Sat, 08 Aug 2009 03:01:16 +0000

呢一個係普通的電單車坐墊.係超市大約5至10蚊便可買到.電單車長期灑太陽,個坐位會熱到根本坐唔到的,呢個時候,呢個坐墊真係幫到好大忙架.
澳門治安唔多好,嚴重的會有人放火燒車,輕側的會有啲人唔底得別人揸新電單車,而劃花別人電單車的坐位,我為咗唔好被呢啲人正接咁劃花我架電單車的坐位,所以長期放住呢個坐墊係架電單車上架.當然啦,若果真係有啲大心人既話,突登攞開個坐墊來劃花都有可能,咁呢啲情況就真係無辦法架啦.汗
講開關於呢個坐墊,雖然坐位太熱真係幫到唔少忙,不過,最近落雨多咗,啲雨水會從圖中所見的象筋流入到車箱內,真係令我好困擾吓.

係呢個時候,我諗起呢個Cool Mesh坐墊啊.
呢個Cool Mesh坐墊有分為冇Yamaha Logo同埋有Yamaha Logo兩個款的,價錢因應唔同店舖都唔同,不過,永樂戲院附近戈兩兄弟的話就係做緊190MOP同280MOP.安裝方法唔識可以叫店員同你安的,通常都會免費同你安埋的.
另外,呢個Cool Mesh坐墊好似係Yamaha電單車的通用的,但係我架GTR Aero坐位係長啲架,所以要用一個大啲版本才安得上.

好啦,呢個Yamaha Logo真係好迷人啊.w

如圖中所見,有寫住Cool Mesh字樣.我坐上去行車有以下感想.
果然散熱力驚人,而且,若着住一啲較薄褲,行時,啲風流入個網入面,會涼到個庇股誤以為好似條底褲濕咗咁架仲有,今日咁啱線下雨天,我即時可以檢查埋Cool Mesh的排水能力添.呢個Cool Mesh咁多細穴,大家一定會諗住下雨時積滿的話就大錯特錯啦,啲雨水好快就會流返灑出來,仍有少少積水的話,只要拍吓個坐位咁就搞掂架啦.呢個 Cool Mesh坐墊雖然貴咗啲,但係真係好好用.而且個套係鎖住係頭盔箱來的可以有防盜功能,而且,啲唔得底揸新車啲人又唔會咁易劃花個坐位添呢,不過都係戈句啦,若有啲有心人既話都係無辦法架啦.汗

Write a quick comment

X2plus harmony audio speaker

カガヤキ — Mon, 13 Jul 2009 01:01:18 +0000

琴日,我同太太係幸運閣電腦商場見到呢個幾得意有趣的小喇叭,我幾鍾意,所以買咗返屋企.120蚊.
形狀大小似隻雞蛋咁樣.雖冇立體聲,但係用係辦公室或靜靜哋既地方聽音樂都幾得意架.

轉售呢個產品的公司的官網:AGC ELECTRONICS LIMITED

另外,個包裝盒上明明寫住有呢個網址架x2plus.com,但係一入便404錯誤而無法進入的.

叉電中的樣子,LED着紅燈的,開着個喇叭時個LED燈便會變成綠色.
從圖中可見係用mini USB做叉電的幾方便.而且那個收納式的3.5mm插頭幾正吓.
叉電時間約2.5小時,而播放時間約可以6小時.

音源插雖好短,不過都係多數放係啲播放器旁邊,所以都無乜大影響既.
3.5mm之外,包裝內還附送支援Sony Ericsson,Samsung,Nokia的電話插頭轉換線添架,支援性幾高吓架.
從圖中可見,我係用我個藍芽耳機,可以隨意換3.5mm的耳機插,所以我就把佢同我呢個小喇叭接上.唔單只可以聽到手機內的音樂,仲可以聽埋我個藍芽耳機本身內置的收音機添.
規格:2.4W的RMS,360 sound degree.
為提高BASS的發揮可以拎一拎喇叭個製,然後,個喇叭就會好似蛋糕咁樣升高拉長咗,咁樣啲BASS聲就會勁啲架啦.

Write a quick comment

Bluetooth Micro Headset J9

カガヤキ — Thu, 28 May 2009 10:30:58 +0000

係香港買咗個超平的藍芽耳機.其實藍芽耳機的話,我已經有架啦,而且仲唔係單耳而係雙取戈隻,不過係週六日或放假時,好多時我都會着運動衫,好似現在呢種咁細咁輕便的藍芽耳機又真係幾方便,而且原價160HKD,現在特價只係88HKD,呢個價就連買個普通耳機都要啦,所以我就買咗啦.

不過,用起來玫知原來唔可以控制音量的,即係吓吓要用手機來調控個音量,而且,按兩吓重撥最後一次撥號的那個功能好似係唔支援我部XPERIA X1架,所以都幾唔方便吓.

Write a quick comment

萬能叉電

カガヤキ — Thu, 28 May 2009 09:34:05 +0000

係香港電腦舖見到呢個幾有趣的萬能叉電線.用USB插,可以出到PDA/PSP/GBA/IPOD/NDS一般現時流行的電子產品的插頭,而且唔單係叉電,仲可以用埋係數據線上添,真係幾方便好用.我問過店員有關電壓問題,唔可以一次過叉灑咁多樣野架,會電力唔夠,特別係數據傳送方面添啊.所以千萬要單獨地叉電用至好啊.

Write a quick comment

i.Tech Clip Radio

カガヤキ — Thu, 28 May 2009 07:30:38 +0000

我自己一直係用緊藍芽耳機i.Tech Clip.今次係香港見到啲藍芽耳機跌價咗好多,所以順便買返個藍芽耳機,今次我買咗個係i.Tech Clip Radio,即係同我之前所用的一樣牌子,不過呢款係內置埋收音機.368HKD,話時話啦,同我當時所買的i.Tech Clip的價錢差唔多.

基本操作同之前戈個一樣,不過佢呢款係有內置收音機的,要開收音機只要長按「+」若2秒就可以架啦.收音機開着時會有綠色LED燈着住幾得意架.

Write a quick comment

XPERIA X1電池同埋叉座

カガヤキ — Thu, 28 May 2009 07:00:00 +0000

最近買咗部XPERIA X1,咁啱線今次又去到香港,所以當然好似平時既我咁,例牌地去為自己部愛機買定後備電池同叉座.
係香港先達商場買MOMAX電池牌子的XPERIA X1電池同埋叉座,合計150HKD.

嘩,充電緊時候好似XPERIA X1本身叉電咁樣,LED燈會fade in/out咁好似呼吸緊咁樣架.而且係較柔的LED燈,所以唔似得一般啲LED刺眼,幾好feel架.

Write a quick comment